我們的小故事
Live Smarter with Outdoor Gears
兩個認識了二十年的中年男，一個係攀石教練，一個係山藝領袖。
一直以來都十分熱愛户外活動，上山下海無一不愛。但近年因為朝九晚五的工作和各有了小朋友之後，户外活動的時間減少了很多。
有天看看鏡子，看見自己的身形走了樣，又唔想自己的孩子們常常活在冷氣房內。心裏想，擁抱大自然唔應該受工作，時間和年齡限制的，更想將這份健康的興趣與自己的孩子和更多的朋友分享。因此建立此小店，希望張我地多年來係户外活動和用品上的心得和大家分享。
Live Smarter with Outdoor Gears，我地覺得户外用品融入日常用其實都唔錯，用起來仲醒目過人，仲會令D户外用品更加有價值!
為什麼沒有實體店？
【這麼遠，那麼近的Outdoor Living網店】
Outdoor Living 開業以來我地比人問得最多嘅問題就係 「請問你地有冇門市？」
我地有個標準答案 「唔好意思，我地現時未有門市，我地而加想花多D時間係尋找及親身測試更多產品。因為我地推介得一定會親身試過！而且希望比一般門市提供一個新的購買渠道！多謝支持！」 依個雖然係標準答案，但卻係我地真心嘅答案。
我地同門市有一個好主要嘅分別就係我地推介產品時的詳細程度，我地介紹一件產品，會做資料搜集，試用，再寫文，好多時只係寫文係用上兩三個小時。而且我地係以用家角度出發，用不同產品去解決大家日常問題。相比一般門市的推銷員與客人一些留於表面的對話：
客 : 「請問依兩個有咩分別？」
推銷員：「兩個都差不多，冇咩分別！」
客 : 「咁點解依個會貴D？」
推銷員：「哦，貴D 梗係好D 啦！」
客：「......」
以上對話，可能大家都試過唔少。
相對門市，我地可以有更大空間去用心做好內容。我唔係想話一般門市冇心經營，但係佢地真係有好大局限。一、是推銷員的經驗值，門市要很多推銷員，唔能夠每一個都可以有咁多嘅親身經驗。但Outdoor Living 寫文同解答客人問題的只有我同我拍檔，每人都有超過二十年户外活動經驗。二、是門市地方有限的，不能每個客人都花太多時間樣樣野試哂比你睇，你知啦D 租咁貴。
有D 客又會擔心網店嘅客戶服務會好差，其他網店我唔敢講，但係Outdoor Living 我地好相信，我地一定唔會比一般門市差。最簡單嘅例子就係我同拍檔回覆大家PM 一定係會盡力解答同解決大家嘅問題！應該都比門市好掛！
－大家可能會冇時間落門市，我地提供送貨服務，工商區仲要免費的！
－貨物想退想換時，我地提供順豐站（香港有過百間）退換服務，一定近過去門市！
－有問題唔識用，我地PM 教你，有時會拍片示範比你睇tim
講左咁多，我真係會形容我地係【這麼遠，那麼近的Outdoor Living網店】 , 沒有實體店，但只要你攞起手機，我地嘅服務就即時係你面前出現！關係就好似一D 很要好嘅朋友，大家日常各有自己嘅世界，但係Facebook 上的一個留言，一個PM, 大家會會心微笑。
其實我地試過有供應商因為我地冇實體店而唔供貨比我地，小編都會尊重大家對門市嘅偏好，小編都明白門市都有門市嘅好處。但係我真係好想大家都明白我地做Outdoor Living 依間網店嘅心思，同埋想帶比大家一個另類嘅購物途徑！最重要的係希望大家知道Outdoor Living 係一間用心去經營嘅網店！謝！
Showroom地址：
Unit 307, 3/F, KT336, 336 Kwun Tong Road, Kwun Tong, Kowloon, Hong Kong
聯絡電郵：